Mae tri bwthyn gwyliau ar gael yma yng Nghrugeran:-

• Llofftstabal - lle’r oedd gweithwyr y fferm yn arfer cysgu ers talwm, lle i 4 gysgu mewn dwy ystafell wely.
• Ysgubor - yr hen granar, lle i 7 gysgu mewn tair ystafell wely.
• Stabal - yr hen stabal, lle i 5 gysgu mewn dwy ystafell wely.

Lai na milltir oddi yma ym Meudai Mynachdy mae gennym ddatblygiad newydd ac eithriadol lle mae dau adeilad amaethyddol wedi eu troi yn llety moethus - Deri Llŷn a Gadlas a agorodd ym Mehefin 2012.

• Deri Llŷn - yr hen barlwr godro â lle i 10 mewn pedair ystafell wely
• Gadlas - hen granar a stabal â lle i 14 mewn pum ystafell wely
• Gellir cyfuno’r rhain i ffurfio un bwthyn mawr i 24

Cynlluniwyd y bythynnod yn arbennig gan ystyried anghenion criwiau mawr - ystafelloedd mawr i bawb gyfarfod ac ardaloedd preifat llai pan fydd arnoch angen llonydd. Mae pawb ohonom yn chwilio am y teimlad braf yna'r dyddiau hyn ac mae digonedd ohono yma. Ymhlith y moethau bach ychwanegol sy’n gwneud i Deri a Gadlas sefyll allan mae’r sawna preifat, caban stêm/cawod. Mae golygfeydd rhyfeddol o Benrhyn Llŷn yn eich amgylchynu yn y “trysorau cudd” yma.

Addurnwyd ein holl fythynnod yn ofalus gan gadw at eu cymeriad hefo dodrefn traddodiadol, trysorau a ddarganfuwyd mewn arwerthiannau, a chyfleusterau modern trwyddynt, ac rydym yn ymfalchïo ym moethusrwydd a glendid ein bythynnod.

Ym mhob bwthyn mae:

• Teledu lliw, chwaraewr DVD a CD a sychwr gwallt
  
• Cot teithio, cadair uchel a giât ddiogelwch ar gael
  
• Trydan yn gynwysedig yn y rhent
  
• Dillad gwely cotwm moethus - ac eithrio ar gyfer y cot teithio (dewch â’ch rhai eich hun os gwelwch yn dda)
  
• 1 tywel dwylo ac 1 tywel bath i bob unigolyn - i’w defnyddio yn y bwthyn yn unig felly dowch â’ch tyweli traeth eich hun os gwelwch yn dda
  
• Llieiniau llestri, cadachau llestri, menig popty, hylif golchi llestri, tabledi i’r peiriant golchi llestri
  
• WI-FI

Gofynnir yn garedig i’r gwesteion beidio ag ysmygu yn y bythynnod - diolch yn fawr.